Hum se Yahya Bin Salih ne bayan kiya, kaha hum se Fulaih ne bayan kiya, un se Hilal Bin Ali ne, un se Ata Bin Yasar ne aur un se Abu Hurairah (Radi Allahu Anhu) ne bayan kiya ke Rasul Allah (Sallallahu Alaihi Wasallam) ne farmaya jo shakhs Allah aur us ke Rasul par iman laye aur namaz qaim kare aur Ramadan ke roze rakhe to Allah Ta'ala par haq hai ke wo jannat mein dakhil kare ga khwah Allah ke raste mein wo jihad kare ya isi jagah para rahe jahan paida hua tha. Sahaba ne arz kiya ya Rasul Allah! Kya hum logon ko is ki basharat na de dein. Aap (Sallallahu Alaihi Wasallam) ne farmaya ke jannat mein sau darje hain jo Allah Ta'ala ne apne raste mein jihad karne walon ke liye tayyar kiye hain, un ke do darjon mein itna fasla hai jitna aasman o zameen mein hai. Is liye jab Allah Ta'ala se mangna ho to Firdous mango kyunke wo jannat ka sab se darmiyani hissa aur jannat ke sab se buland darje par hai. Yahya Bin Salih ne kaha ke mein samajhta hoon yun kaha ke is ke upar Parvardigar ka Arsh hai aur wahin se jannat ki nahrein nikalti hain. Muhammad Bin Fulaih ne apne walid se «wfogh ersh alrhmn» hi ki riwayat ki hai
.