Is ka bayan is baat mein Ali razi Allahu anhu ne Nabi Karim salla Allahu alaihi wasallam se riwayat ki hai.

Hum se Musa bin Ismail ne bayan kiya, kaha hum se Abd-ul-Wahid ne bayan kiya, kaha hamase Aasim ne bayan kiya, kaha ke main ne Anas razi Allahu anhu se poochha: kiya Rasool Allah salla Allahu alaihi wasallam ne Madinah Munawwarah ko hurmat wala shehar qarar diya hai? Farmaya ke haan falan jagah Ayr se falan jagah (Sawr) tak. Is ilaqa ka darakht nahi kaata jaye ga jis ne is hudood mein koi nayi baat paida ki, is par Allah ki, farishton ki aur tamam insaanon ki lanat hai. Aasim ne bayan kiya ke phir mujhe Musa bin Anas ne khabar di ke Anas razi Allahu anhu ne yeh bhi bayan kiya thu ke ”ya kisi ne deen mein bidat paida karne wale ko panah di.“