Hum se Musaddad ne bayan kiya , kaha hum se Yahya ne bayan kiya , in se Ismail ne , kaha hum se Qays ne bayan kiya , in se Khabbab bin al-Arat razi Allahu anhu ne ke hum ne Rasool Allah salla Allahu alaihi wasallam se apna haal e zar bayan kiya . Nabi Karim salla Allahu alaihi wasallam is waqt Kaba ke saye mein apni chadar par baithe huay thay . Hum ne arz kiya kyun nahi Aap hamare liye Allah Ta'ala se madad maangte aur Allah Ta'ala se dua karte . Nabi Karim salla Allahu alaihi wasallam ne farmaya ke tum se pehle bahut se Nabiyon aur in par iman laane walon ka haal yeh hua ke in mein se kisi ek ko pakar liya jata aur gar-rha khod kar is mein unhein daal diya jata phir aara laya jata aur in ke sar par rakh kar do tukre kar diye jaate aur lohay ke kanghe in ke gosht aur had-diyon mein dhansa diye jaate lekin yeh aazmaishein bhi unhein apne deen se nahi روک sakti thien . Allah kiqasam! Is Islam ka kaam mukammal ho ga aur ek sawar Sanaa se Hadhramout tak akaila safar kare ga aur usay Allah ke siwa aur kisi ka khauf nahi ho ga aur bakriyon par siwa bheriye ke khauf ke (aur kisi loot waghaira ka koi dar na ho ga) lekin tum log jaldi karte ho .