Hum se Khallad bin Yahya ne bayan kiya, kaha hum se Sufyan Sawri ne, unhon ne Mansoor aur Aamash se, unhon ne Abu Wail se, unhon ne Abdullah bin Masood razi Allahu anhu se, unhon ne kaha ek shakhs (naam na-maloom) ne arz kiya: ya Rasool Allah! Hum ne jo gunah (Islam laane se pehle) jahiliyat ke zamana mein kiye hain kiya in ka muakhizha hamase ho ga? Aap salla Allahu alaihi wasallam ne farmaya ”jo shakhs Islam ki halat mein naik aamal karta raha is se jahiliyat ke gunahon ka muakhizha na ho ga (Allah Ta'ala maaf kar de ga) aur jo shakhs Musalman ho kar bhi bure kaam karta raha is se donon zamanon ke gunahon ka muakhizha ho ga.“