Hum se Ishaaq bin Nasr ne byaan kiya , kaha ke hum se Husayn bin Ali bin Waleed ne Zaidah bin Qudamah se byaan kiya , unhon ne Abdul Malik bin Umayr se , kaha ke mujh se Abu Burdah Amir ne byaan kiya , unhon ne Abu Musa Ashari razi Allahu anhu se , Aap ne farmaya ke Aap ne farmaya ke Nabi Karim salla Allahu alaihi wasallam bimaar huay aur jab bimari shiddat ikhtiyar kar gayi to Aap salla Allahu alaihi wasallam ne farmaya ke Abu Bakr (razi Allahu anhu) se kaho ke woh logon ko namaaz parhayen . Is par Aishah razi Allahu anha boli ke woh narm dil hain jab Aap ki jagah kharay hon ge to un ke liye namaaz parhana mushkil ho ga . Aap salla Allahu alaihi wasallam ne phir farmaya ke Abu Bakr se kaho ke woh namaaz parhayen . Aishah razi Allahu anha ne phir wohi baat kahi . Aap salla Allahu alaihi wasallam ne phir farmaya ke Abu Bakr se kaho ke namaaz parhayen , tum log Sawahib Yusuf (Zulaikha) ki tarah (baatain banati) ho . Aakhir Abu Bakr Siddiq razi Allahu anhu ke paas aadmi bulane aaya aur Aap ne logon ko Nabi Karim salla Allahu alaihi wasallam ki zindagi mein hi namaaz parhayi .