Hum se Musa bin Ismail ne byaan kiya , kaha ke hum se Wuhaib bin Khalid ne byaan kiya , kaha ke hum se Ayyub Sakhtiyani ne Abu Qilabah Abdullah bin Zaid se byaan kiya , unhon ne kaha ke Malik bin Huwayrith (Sahabi) ek dafa hamari is masjid mein tashreef laye aur farmaya ke main tum logon ko namaaz parhaoon ga aur meri niyat namaaz parhne ki nahi hai , mera maqsad sirf yeh hai ke tumhein namaaz ka woh tareeqa sikha doon jis tareeqe se Nabi Karim salla Allahu alaihi wasallam namaaz parha karte thay . Main ne Abu Qilabah se poocha ke unhon ne kis tarah namaaz parhi thi ? Unhon ne batlaya ke hamare Shaykh (Umar bin Salamah) ki tarah . Shaykh jab sajde se sar uthate to zara baith jatay phir kharay hote .