Umar razi Allahu anhu ne Nabi Karim salla Allahu alaihi wasallam se kaha ke mujhe aaisi zameen mil gayi hai ke kabhi is se umdah maal nahi mila thu? Nabi Karim salla Allahu alaihi wasallam ne farmaya ke agar chaho to asal zameen apne paas rakkho aur is ki paidawar sadqa kar do. Abu Talha razi Allahu anhu ne Nabi Karim salla Allahu alaihi wasallam se arz ki, Beru-haa naami bagh mujhe apne tamam amwal mein sab se zyada pasandida hai. Yeh Masjid e Nabwi ke samne ek bagh thu.

Hum se Ismail ne bayan kiya, unhon ne kaha ke mujh se Imam Malik ne bayan kiya, in se Sawr bin Zaid Dayli ne bayan kiya, in se Ibn Mutee ke ghulam Abu al-Ghais ne bayan kiya, in se Abu Hurairah razi Allahu anhu ne bayan kiya ke hum Nabi Karim salla Allahu alaihi wasallam ke saath Khaibar ki larayi ke liye nikle. Is larayi mein hamain sona, chaandi ghaneemat mein nahi mila thu balkay doosre amwal, kapre aur saman mila thu. Phir Bani Khubaib ke ek shakhs Rifaa bin Zaid naami ne Nabi Karim salla Allahu alaihi wasallam ko ek ghulam hadiya mein diya ghulam ka naam Midam thu. Phir Nabi Karim salla Allahu alaihi wasallam Waadi e Quraa ki taraf mutawaj-jo huay aur jab Aap Waadi-ul-Quraa mein pahunch gaye to Midam ko jab ke woh Nabi Karim salla Allahu alaihi wasallam ka kajawa durust kar raha thu. Ek anjan teer aa kar laga aur is ki maut ho gayi. Logon ne kaha ke jannat usay mubarak ho, lekin Nabi Karim salla Allahu alaihi wasallam ne farmaya ke hargiz nahi, is zaat ki qasam jis ke hath mein meri jaan hai woh kambal jo is ne taqseem se pehle Khaibar ke maal e ghaneemat mein se chura liya thu, woh is par aag ka angara ban kar bharr raha hai. Jab logon ne yeh baat suni to ek shakhs chappal ka tasma ya do tasme le kar Nabi Karim salla Allahu alaihi wasallam ki khidmat mein hazir hua, Nabi Karim salla Allahu alaihi wasallam ne farmaya ke yeh aag ka tasma hai ya do tasme aag ke hain.