Hum se Muhammad bin Kaseer ne bayan kiya , kaha hum ko Sufyan Sawri ne khabar di , kaha hum se Aamash ne bayan kiya , kaha in se Zayd bin Wahb ne , kaha hamase Huzayfah razi Allahu anhu ne bayan kiya ke hamase Rasool Allah salla Allahu alaihi wasallam ne do hadeesein irshad farmayiein . Ek ka zhuhoor to main dekh chuka hoon aur doosri ka muntazhir hoon . Nabi Karim salla Allahu alaihi wasallam ne hamase farmaya ke amanat logon ke dilon ki gehraiyon mein utarti hai . Phir Quran Shareef se , phir hadees shareef se is ki mazbooti hoti jaati hai aur Nabi Karim salla Allahu alaihi wasallam ne hamase is ke uth jaane ke mutalliq irshad farmaya ke aadmi ek neend soye ga aur (isi mein) amanat is ke dil se khatm ho gi aur is be-imani ka halka nishan par jaye ga . Phir ek aur neend le ga ab is ka nishan chhaalay ki tarah ho jaye ga jaise tu paon par ek chingari lurh-kaye to zhahir mein ek chhaala phool aata hai is ko phoola dekhta hai , par andar kuch nahi hota . Phir haal yeh ho jaye ga ke subah uth kar log khareed o farokht karein ge aur koi shakhs amanat-daar nahi ho ga , kaha jaye ga ke Bani falan mein ek amanat-daar shakhs hai . Kisi shakhs ke mutalliq kaha jaye ga ke kitna aql-mand hai , kitna buland-hausla hai aur kitna bahadur hai . Haalan-ke is ke dil mein raayi barabar bhi iman (amanat) nahi ho ga .“ (Huzayfah razi Allahu anhu kehte hain) main ne ek aisa waqt bhi guzara hai ke main is ki parwa nahi karta tha ke kis se khareed o farokht karta hoon . Agar woh Musalman hota to is ko Islam (be-imani se) rokta tha . Agar woh Nasrani hota to is ka madadgar usay rokta tha lekin ab main falan aur falan ke siwa kisi se khareed o farokht hi nahi karta .