Hum se Abu al-Waleed ne bayan kiya , kaha hum se Salam bin Zhureer ne bayan kiya , kaha hum se Abu Rajaa Imran bin Tameem ne bayan kiya , in se Imran bin Husain razi Allahu anhuma ne ke Nabi Karim salla Allahu alaihi wasallam ne farmaya ”main ne jannat mein jhaanka to is mein rehne wale aksar ghareeb log thay aur main ne dozakh mein jhaanka to is ki rehne waliyaan aksar auratein thien .“ Abu Rajaa ke saath is hadees ko Ayub Sakhtiyani aur Auf Aarabi ne bhi riwayat kiya hai aur Sakhr bin Juwayriyah aur Hammad bin Najeeh donon is hadees ko Abu Rajaa se , unhon ne Ibn Abbas razi Allahu anhuma se riwayat kiya .