Hum se Muhammad bin Muqatil Abu al-Hasan ne bayan kiya unhon ne kaha hum ko Abdullah ne khabar di unhon ne kaha hum ko Yunus ne khabar di aur in se Zuhri ne bayan kiya unhein Ubaidullah bin Abdullah bin Utbah ne khabar di unhein Abdullah bin Abbas razi Allahu anhuma ne khabar di aur unhein Abu Sufyan bin Harb razi Allahu anhu ne khabar di ke Heraclius ne Quraish ke chand afraad ke saath unhein bhi bula bheja yeh log Sham tijarat ki gharaz se gaye thay sab log Heraclius ke paas aaye phir unhon ne waqia bayan kiya ke phir Heraclius ne Rasool Allah salla Allahu alaihi wasallam ka khat mangwaya aur woh parha gaya khat mein yeh likha hua thu. Bismillaah-ir-Rahmaan-ir-Raheem, Muhammad ki taraf se jo Allah ka banda aur is ka Rasool hai (salla Allahu alaihi wasallam). Heraclius Azeem e Room ki taraf, salam ho un par jinon ne hidayat ki ittaba ki. Amma baad!