Hum se Musaddad ne bayan kiya, kaha hum se Abd-ul-Waris ne bayan kiya, in se Abu al-Tay-yah ne aur in se Anas razi Allahu anhu ne bayan kiya ke Nabi Karim salla Allahu alaihi wasallam husn e akhlaq mein sab logon se barh kar thay, mera ek bhai Abu Umayr naami thu. Bayan kiya ke mera khayal hai ke bacha ka doodh chhoot chuka thu. Nabi Karim salla Allahu alaihi wasallam jab tashreef laate to is se maza-han farmate «ya abaa umayrin maa fa-alan-nughayru» aksar aisa hota ke namaz ka waqt ho jata aur Nabi Karim salla Allahu alaihi wasallam hamare ghar mein hote. Aap is bistar ko bichhane ka hukm dete jis par Aap baithe huay hote, chunanche usay jhaarh kar is par pani chhirak diya jata. Phir Aap khare hote aur hum Aap ke peeche khare hote aur Aap hamain namaz parhate.