Salim ne bayan kiya ke Abdullah ne bayan kiya ke Nabi Karim salla Allahu alaihi wasallam logon ke majma mein kharay huay aur Allah ki is ki shaan ke mutabiq tareef karne ke baad Aap salla Allahu alaihi wasallam ne Dajjal ka zikr kiya aur farmaya ke main tumhein is se darata hoon. Koi Nabi aisa nahi guzra jis ne apni qaum ko is se na daraya ho. Nooh alaihissalam ne apni qaum ko is se daraya lekin main is ki tumhein ek aaisi nishani bataoon ga jo kisi Nabi ne apni qaum ko nahi batayi tum jaante ho ke woh kaana ho ga aur Allah kaana nahi hai.