Hum se Abdul Aziz bin Abdullah ne bayan kiya, kaha hum se Ibrahim bin Saad ne, in se un ke bhatije Ibn Shihab ne, in se Ibn Shihab (Muhammad bin Muslim), in se Salim bin Abdullah ne bayan kiya ke main ne Abu Hurairah razi Allahu anhu se suna, unhon ne bayan kiya ke main ne Rasool Allah salla Allahu alaihi wasallam se suna, Nabi Karim salla Allahu alaihi wasallam ne farmaya ke meri tamam ummat ko maaf kiya jaye ga siwa gunahon ko khullam khulla karne walon ke aur gunahon ko khullam khulla karne mein yeh bhi shamil hai ke ek shakhs raat ko koi (gunah ka) kaam kare aur is ke bawajood ke Allah ne is ke gunah ko chhupa diya hai magar subah hone par woh kehne lage ke Ae falan! Main ne kal raat falan falan bura kaam kiya tha. Raat guzar gayi thi aur is ke Rabb ne is ka gunah chhupaye rakkha, lekin jab subah hui to woh khud Allah ke parde ko kholne laga.