Hum se Abdullah bin Abi Shaybah ne bayan kiya, kaha hum se Yahya bin Saeed Qattan ne bayan kiya, in se Sufyan Sawri ne, in se Aamash ne, in se Muslim bin Abu al-Sabeeh ne, in se Masrooq ne aur in se Aisha razi Allahu anha ne bayan kiya ke Nabi Karim salla Allahu alaihi wasallam (apne ghar ke) baaz logon par dum karte waqt apna dahna hath pherte (aur yeh dua parhte thay) «azh-hibil-ba'sa rabban-naasi, wash-fi antash-shaafi, la shifa-a illa shifauka, shifa-al-la yughadiru saqaman» ”Takleef ko door kar de Ae logon ke Rabb! Aur shifa de, tu hi shifa dene wala hai, shifa wahi hai jo teri taraf se ho aaisi shifa ke beemari zara bhi baqi na reh jaye.“ (Sufyan ne kaha ke) phir main ne yeh Mansoor se bayan kiya to unhon ne mujh se Ibrahim Nakhai se bayan kiya, in se Masrooq ne aur in se Aisha razi Allahu anha ne is hi ki tarah bayan kiya.