Hum se Hajjaaj bin Minhaal ne bayan kiya, woh kehte hain ke hum se Sho’bah ne bayan kiya, woh kehte hain mujh ko ’Adi bin Saabit ne khabar di, unhon ne Abdullah bin Yazeed se suna, unhon ne Abdullah bin Mas’ood se naql kiya, unhon ne Nabi Kareem Sallallahu Alaihi Wasallam se ke Aap Sallallahu Alaihi Wasallam ne farmaaya jab aadmi sawab ki niyyat se apne ahl-o-iyaal par kharch kare pas woh bhi us ke liye sadqa hai.