Hum se Qubaysah ne bayan kiya , in se Sufyan ne bayan kiya , in se Abdur Rahman bin Aabis ne , in se un ke walid ne aur in se Aisha razi Allahu anha ne bayan kiya ke Nabi Karim salla Allahu alaihi wasallam ne aisa kabhi nahi kiya ke teen din se zyada gosht qurbani wala rakhne se mana farmaya ho . Sirf is saal yeh hukm diya tha jis saal qahet ki wajah se log faqay mein mubtala thay . Maqsad yeh tha ke jo log ghani hain woh gosht muhtajon ko khilayein (aur jama kar ke na rakhein) aur hum to bakri ke paye mahfooz kar ke rakh lete thay aur pandrah din baad tak (khate thay) aur Aal e Muhammad salla Allahu alaihi wasallam ne kabhi salan ke saath gehoon ki roti teen din tak barabar sair ho kar nahi khayi .