Hum se Musa bin Ismail ne bayan kiya , kaha hum se Mutamir bin Sulayman ne bayan kiya , in se un ke walid ne bayan kiya , unhon ne kaha ke Abu Usman Nahdi ne bhi bayan kiya aur in se Abdur Rahman bin Abi Bakr razi Allahu anhuma ne bayan kiya ke hum ek sau tees aadmi Nabi Karim salla Allahu alaihi wasallam ke saath thay . Nabi Karim salla Allahu alaihi wasallam ne daryaft farmaya ke tum mein se kisi ke paas khana hai . Ek sahab ne apne paas se ek saa ke qareeb aata nikala , usay goondh liya gaya , phir ek mushrik lamba taranga apni bakriyaan haankta hua idhar aa gaya . Nabi Karim salla Allahu alaihi wasallam ne is se daryaft farmaya ke yeh bechne ki hain ya atiya hain ya Nabi Karim salla Allahu alaihi wasallam ne (atiya ke bajaye) hiba farmaya . Is shakhs ne kaha ke nahi balkay bechne ki hain . Chunanche Nabi Karim salla Allahu alaihi wasallam ne is se ek bakri khareedi phir zibah ki gayi aur Aap ne is ki kaleji bhoone jaane ka hukm diya aur qasam Allah ki ek sau tees logon ki jama'at mein koi shakhs aisa nahi raha jise Nabi Karim salla Allahu alaihi wasallam ne is bakri ki kaleji ka ek ek tukra kaat kar na diya ho magar woh maujood tha to usay wahien de diya aur agar woh maujood nahi tha to is ka hissa mahfooz rakkha , phir is bakri ke gosht ko paka kar do bare koundon mein rakkha aur hum sab ne in mein se pait bhar kar khaya phir bhi donon koundon mein khana bach gaya to main ne usay oont par laad liya . Abdur Rahman rawi ne aisa hi koi kalma kaha .