Hum se Amr bin Hafs ne byaan kiya . Kaha hum se hamare walid ne byaan kiya , in se Aamash ne byaan kiya , in se Abu Salih ne byaan kiya , kaha ke mujh se Abu Hurairah razi Allahu anhu ne byaan kiya , unhon ne byaan kiya ke Nabi Karim salla Allahu alaihi wasallam ne farmaya ke sab se behtareen sadqa woh hai jise de kar dene wala maldar hi rahe aur har haal mein oopar ka hath (dene wale ka) neeche ke (lene wale ke) hath se behtar hai aur (kharch ki) ibtida in se karo jo tumhari nigahbani mein hain . Aurat ko is mutaliba ka haq hai ke mujhe khana de warna talaq de . Ghulam ko is mutaliba ka haq hai ke mujhe khana do aur mujh se kaam lo . Beta keh sakta hai ke mujhe khana khilao ya kisi aur par chhor do . Logon ne kaha: Ae Abu Hurairah! kiya (yeh aakhri tukra bhi) ke joru kehti hai aakhir tak . Aap ne Rasool Allahsalla Allahu alaihi wasallam se suna hai ? Unhon ne kaha ke nahi balkay yeh Abu Hurairah ki khud apni samajh hai .