Is hadees ko Abu Juhaifah (Abdullah bin Wahb Aamiri) ne Rasool Allah salla Allahu alaihi wasallam se marfoo-an riwayat kiya hai .

Hum se Muhammad bin Muqatil ne byaan kiya , kaha hum ko Awzai ne khabar di , kaha ke mujh se Yahya bin Abi Kaseer ne byaan kiya , kaha ke mujh se Abu Salamah bin Abdur Rahman ne byaan kiya , kaha ke mujh se Abdullah bin Amr bin al-Aas razi Allahu anhuma ne byaan kiya , unhon ne byaan kiya ke Rasool Allah salla Allahu alaihi wasallam ne farmaya ke Abdullah! kiya meri yeh ittila sahih hai ke tum (rozana) din mein roze rakhte ho aur raat bhar ibadat karte ho ? Main ne arz kiya: ji haan ya Rasool Allah! Nabi Karim salla Allahu alaihi wasallam ne farmaya ke aisa na karo , roze bhi rakkho aur baghair roze bhi raho . Raat mein ibadat bhi karo aur so-o bhi . Kyunke tumhare badan ka bhi tum par haq hai , tumhari aankh ka bhi tum par haq hai aur tumhari biwi ka bhi tum par haq hai .