Hum se Umar bin Hafs bin Ghiyas ne byaan kiya , kaha mujh se mere walid ne byaan kiya , kaha hum se Aamash ne , un se Ibrahim Nakhai ne byaan kiya ke Abdullah bin Masood razi Allahu anhu ke kuch shagird Abu Dardaa razi Allahu anhu ke yahan (Sham) aaye unhon ne unhein talash kiya aur pa liya . Phir in se poocha ke tum mein kaun Abdullah bin Masood razi Allahu anhu ki qirat ke mutabiq qirat kar sakta hai ? Shagirdon ne kaha ke hum sab kar sakte hain . Phir poocha kise in ki qirat zyada mahfooz hai ? Sab ne Alqamah ki taraf isharah kiya . Unhon ne daryaft kiya unhein Surah «wal-layli izha yaghsha» ki qirat karte kis tarah suna hai ? Alqamah ne kaha ke «wazh-zhakari wal unsa» (baghair khalqa ke) kaha ke main gawahi deta hoon ke main ne bhi Rasool Allah salla Allahu alaihi wasallam ko isi tarah qirat karte huay suna hai . Lekin yeh log (yani Sham wale) chahte hain ke «wa ma khalaqazh-zhakara wal unsa» parhoon . Allah ki qasam main un ki pairwi nahi karoon ga .