Ibn Abbas razi Allahu anhuma ne kaha «hoorun» ke maani kaali aankhon wali aur Mujahid ne kaha «maqsooraatun» ke maani un ki nigah aur jaan apne shoharon par ruki hui ho gi (woh apne khawand-on ke siwa aur kisi par aankh nahi dalein gi). «qaasiraatun» ke maani apne khawand ke siwa aur kisi ki khwahish-mand na ho gi. «fil khiyaami» ke maani khaimon mein mahfooz hon gi.

Hum se Muhammad bin Musanna ne byaan kiya, unhon ne kaha ke mujh se Abdul Aziz bin Abdus Samad ne byaan kiya, kaha hum se Abu Imran Jawni ne byaan kiya, un se Abu Bakr bin Abdullah bin Qays ne aur un se un ke walid ne ke Rasool Allah salla Allahu alaihi wasallam ne farmaya ke jannat mein khokhlay moti ka khaima ho ga, is ki chorayi saath meel ho gi aur is ke har kinare par Musalman ki ek biwi ho gi ek kinare wali doosre kinare wali ko na dekh sake gi.