‏‏‏‏ Mujahid ne kaha «mustamirrun» ka maani jaane wala, baatil hone wala. «muzdajarun» be-intiha jharakne wale, tanbeeh karne wale. «wa-zdajara» deewana banaya gaya (ya jharaka gaya). «dusurin» kashti ke takhte ya keelein ya rasiyaan. «liman kaana kufira» yani yeh azab Allah ki taraf se badla tha is shakhs ka jis ki unhon ne na-qadri ki thi yani Nuh ki. «kullu shirbim-muhtadarun» yani har fareeq apni baari par pani peene ko aaye. «muhti-eena ilad-da'i» Saeed bin Jubayr razi Allahu anhu ne kaha yani darte huay Arbi zaban mein daurne ko «lansalan» , «khabab» , «sira-un» kehte hain. Auron ne kaha ke «fata-aata» yani hath chalaya usay zakhmi kiya. «kahisheemil muhtazhiri» ka maani jaise tooti jali hui baar. «uz-dujira» maazi majhool ka sigha hai baab «ifta-ala» se is ka mujarrad «zhajartu» hai. «jazaa-al liman kaana kufira» yani hum ne Nuh aur un ki qaum walon ke saath jo sulook kiya yeh is ka badla tha jo Nuh aur un ke imandar saath walon ke saath kafiron ki taraf se kiya gaya tha. «mustaqirrun» jama rehne wala. «azhaabun ashirun» ka maani hai itrana, ghuroor karna.

Hum se Musaddad ne byaan kiya, kaha hum se Yahya ne byaan kiya, un se Shubah aur Sufyan ne aur un se Aamash ne, un se Ibrahim ne, un se Abu Mamar ne aur un se Abdullah bin Masood razi Allahu anhu ne byaan kiya ke Rasool Allah salla Allahu alaihi wasallam ke zamane mein chaand do tukre ho gaya tha ek tukra pahar ke oopar aur doosra is ke peeche chala gaya thu. Nabi Karim salla Allahu alaihi wasallam ne isi mauqa par hamain se farmaya tha ke gawah rehna.