Aur «qadaa-un» ke kai maani aaye hain . Jaise aayat «wa qada rabbuka alla ta'budoo» mein yeh maani hai ke Allah ne hukm diya aur faisla karne ke bhi maani hain jaise aayat «inna rabbaka yaqdee baynahum» mein hai aur paida karne ke bhi maani mein hai jaise «fa-qadaahunna sab'a samawaatin» mein hai . «nafeeran» woh log jo aadmi ke saath larnay ko niklein . «wa liyutabbiroo ma alaw» yani jin shehron se ghalib hon un ko tabah karein . «haseeran» qaid khana , jail haq wajib hua . «maysooran» narm , mulaim . «khit-an» gunah yeh ism hai «khati'tu» se aur «khata'an» bil-fatah masdar hai yani gunah karna . «khati'tu» ba-kasr taa aur «akhta'tu» donon ka ek hi maani hai yani main ne qasoor kiya ghalati ki . «lan takhriqa» tu zameen ko tay nahi kar sake ga . (kyunke zameen bahut bari hai) «najwa» masdar hai . «naajaytu» se yeh in logon ki sifat byaan ki hai . Yani aapas mein mashwara karte hain . «rufaatan» tootay huay reza reza . «wastafzhizh» deewana kar de gumrah kar de . «bi-khaylika» apne sawaron se . «rajilin» piyade is ka mufrad «raajilun» hai jaise «saahibun» ki jama «sahbun» aur «taajirun» ki jama «tujjarun» hai . «haasiban» aandhi . «haasibun» is ko bhi kehte hain jo aandhi ura kar laye (rait kankar waghaira) isi se hai «hasabu jahannama» yani jo jahannum mein dala jaye ga wahi jahannum ka «hasabun» hai . Arab log kehte hain «hasaba fil ardi» zameen mein ghus gaya yeh «hasabun» , «hasba'u» se nikla hai . «hasba'u» pattharon sang-rezon ko kehte hain . «taaratan» ek baar . Is ki jama «tiyaratun» aur «taaraatun» aati hai . «la-ahtanikanna» un ko tabah kar doon ga , jarr se khod daloon ga . Arab log kehte hain «ihtanaka fulaanun ma inda fulaanin» yani is ko jitni baatein maloom thien woh sab is ne maloom kar lien koi baat baqi na rahi . «ta'iruhu» is ka naseeba Ibn Abbas razi Allahu anhuma ne kaha Quran mein jahan jahan «sultanun» ka lafz aaya hai is ka maani daleel aur hujjat hai . «waliyyun minazh-zhulli» yani is ne kisi se is liye dosti nahi ki hai ke woh is ko zillat se bachaye .

Hum se Abdan ne byaan kiya , kaha hum se Abdullah bin Mubarak ne byaan kiya , kaha hum ko Yunus bin Yazid ne khabar di (doosri sanad) Imam Bukhari rahmahullah ne kaha aur hum se Ahmad bin Salih ne byaan kiya , kaha hum se Anbasah bin Khalid ne byaan kiya , kaha hum se Yunus bin Yazid ne byaan kiya , un se Ibn Shihab ne ke Ibn Musayyab ne byaan kiya aur un se Abu Hurairah razi Allahu anhu ne byaan kiya ke Meraj ki raat mein Nabi Karim salla Allahu alaihi wasallam ke samne Bayt al-Muqaddas mein do piyale pesh kiye gaye ek sharab ka aur doosra doodh ka . Nabi Karim salla Allahu alaihi wasallam ne donon ko dekha phir doodh ka piyale utha liya . Is par Jibraeel alaihissalam ne kaha ke tamam hamd us Allah ke liye hai jis ne Aap ko fitrat (Islam) ki hidayat ki . Agar Aap sharab ka piyale utha lete to Aap ki ummat gumrah ho jati .