Hum se Abdan bin Abdullah bin Usman ne Abu Hamza Muhammad bin Maimoon ke wastay se bayan kiya , unhon ne Amash se , unhon ne Muslim se , unhon ne Masrooq se , unhon ne Aisha raziyallahu anha se . Aap farmati hain ke jab Surah Al-Baqarah ki sood se mutalliq ayat nazil huin to Nabi Karim salla Allahu alaihi wa sallam masjid mein tashreef le gaye aur un ayat ki logon ke samne tilawat farmayi . Phir farmaya ke sharab ki tijarat haram hai .