Aur Allah Ta'ala ka ye farman ke ”jo log sood khate hain, wo qayamat mein bilkul is shakhs ki tarah utthein ge jisay shaitan ne lipat kar diwana bana diya ho. Ye halat un ki is wajah se ho gi ke unhon ne kaha tha ke khareed-o-farokht bhi sood hi ki tarah hai halankay Allah Ta'ala ne khareed-o-farokht ko halal qarar diya hai aur sood ko haram. Pas jis ko is ke Rabb ki nasihat pohanchi aur wo (sood lene se) baaz aa gaya to wo jo kuch pehle le chuka hai wo isi ka hai aur is ka mamla Allah ke supurd hai lekin agar wo phir bhi sood leta raha to yehi log jahannami hain, ye is mein hamesha rahein ge.“
.

Hum se Muhammad Bin Bashar ne bayan kiya, kaha ke hum se Ghundar ne bayan kiya, kaha ke hum se Shuba ne bayan kiya, un se Mansoor ne, un se Abu-al-Zuha ne, un se Masrooq ne aur un se Aisha (Radi Allahu Anha) ne bayan kiya ke jab (Surah) Baqarah ki aakhri ayatein «Alladheena ya'kuloona-ar-riba *** al-kh» nazil hueein to Nabi Kareem (Sallallahu Alaihi Wasallam) ne unhein Sahaba (Radi Allahu Anhum) ko masjid mein parh kar sunaya. Is ke baad un par sharab ki tijarat haram kar diya
.