Hum se Sadaqah bin Fadl ne byaan kiya , unhon ne kaha hum ko Hajjaj bin Muhammad ne khabar di , unhein Ibn Jurayj ne , unhein Yala bin Muslim ne , unhein Saeed bin Jubayr ne aur un se Abdullah bin Abbas razi Allahu anhuma ne byaan kiya ke aayat «ateeu-llaha wa ateeu-rrasoola wa ulil amri minkum» ”Allah ki itaat karo aur Rasool (salla Allahu alaihi wasallam) ki aur apne mein se hakim-on ki .“ Abdullah bin Huzafah bin Qays bin Adi razi Allahu anhu ke baare mein nazil hui thi . Jab Rasool Allah salla Allahu alaihi wasallam ne unhein ek muhim par bataur afsar ke rawana kiya tha .