Ubaydullah bin Abdullah ne kaha ke main ne Abdullah bin Abbas razi Allahu anhuma se Nabi Karim salla Allahu alaihi wasallam ke khwab ke mutalliq poocha jis ka zikr Aap salla Allahu alaihi wasallam ne farmaya tha to unhon ne bataya ke mujhe maloom hua hai ke Nabi Karim salla Allahu alaihi wasallam ne farmaya tha ke mujhe khwab mein dikhaya gaya tha ke mere hathon par sone ke do kangan rakh diye gaye hain . Main is se bahut ghabraya aur in kanganon se mujhe tashweesh hui , phir mujhe hukm hua aur main ne unhein phoonk diya to donon kangan urr gaye . Main ne is ki tabeer do jhooton se li jo khurooj karne wale hain . Ubaydullah ne byaan kiya ke in mein se ek Aswad Ansi tha , jise Feroz ne Yaman mein qatl kiya aur doosra Musaylamah Kazzab tha .