Mujh se Ahmad bin Usman bin Hakeem ne byaan kiya , kaha hum se Shurayh bin Maslamah ne byaan kiya , kaha hum se Ibrahim bin Yusuf bin Ishaq bin Abi Ishaq ne byaan kiya , kaha mujh se mere walid ne byaan kiya , un se Abu Ishaq ne kaha ke main ne Bara bin Azib razi Allahu anhu se suna ke Rasool Allah salla Allahu alaihi wasallam ne hamain Khalid bin Waleed razi Allahu anhu ke saath Yaman bheja , byaan kiya ke phir is ke baad un ki jagah Ali razi Allahu anhu ko bheja aur Aap ne unhein hidayat ki ke Khalid ke sathiyon se kaho ke jo in mein se tumhare saath Yaman mein rehna chahe woh tumhare saath phir Yaman ko laut jaye aur jo wahan se wapas aana chahe woh chala aaye . Bara razi Allahu anhu kehte hain ke main in logon mein se tha jo Yaman ko laut gaye . Unhon ne byaan kiya ke mujhe ghanimat mein kai ooqiyah chaandi ke milay thay .