Hum se Sadaqah bin Fadl ne byaan kiya ‘ kaha hum ko Sulayman bin Uyaynah ne khabar di ‘ unhein Ibn Abi Najih ne ‘ unhein Mujahid ne ‘ unhein Abu Mamar ne aur un se Abdullah bin Masood razi Allahu anhu ne byaan kiya ke Fatah Makkah ke din jab Nabi Karim salla Allahu alaihi wasallam Makkah mein dakhil huay to Bayt Allah ke charon taraf teen sau saath but thay . Nabi Karim salla Allahu alaihi wasallam ek chhari se jo dast e mubarak mein thi ‘ maarte jate thay aur is aayat ki tilawat karte jate «jaa'al haqqu wa zahaqal baatilu , jaa'al haqqu , wa ma yubdi'ul baatilu wa ma yua'eed» ke ”haq qaim ho gaya aur baatil maghloob ho gaya ‘ haq qaim ho gaya aur baatil se na shuru mein kuch ho saka hai na aainda kuch ho sakta hai .“