Hum se Yahya bin Qazah ne byaan kiya ‘ kaha hum se Malik ne byaan kiya ‘ un se Ibn Shihab ne aur un se Anas bin Malik razi Allahu anhu ne byaan kiya ke Fatah Makkah ke mauqa par jab Nabi Karim salla Allahu alaihi wasallam Makkah mein dakhil huay to sar mubarak par khud thi . Aap salla Allahu alaihi wasallam ne usay utara hi tha ke ek sahabi ne aa kar arz kiya ke Ibn Khatal Kaaba ke parda se chimta hua hai . Nabi Karim salla Allahu alaihi wasallam ne farmaya ke usay (wahin) qatl kar do . Imam Malik rahmahullah ne kaha jaisa ke hum samajhte hain aage Allah jaane ‘ Nabi Karim salla Allahu alaihi wasallam is din ihram bandhe huay nahi thay .