Hum se Musaddad ne bayan kiya ‘ kaha hum se Yahya Bin Saeed ne bayan kiya ‘ kaha hum se Sufyan Sawri ne bayan kiya ‘ in se Abdullah Bin Dinar ne bayan kiya aur in se Abdullah Bin Umar Radi Allahu Anhuma ne bayan kiya ke ek jamaat ka ameer Rasul Allah Sallallahu Alaihi Wasallam ne Usama Bin Zaid Radi Allahu Anhuma ko banaya. In ki amarat par baaz logon ko etiraz hua to Nabi Kareem Sallallahu Alaihi Wasallam ne farmaya ke aaj tum ko is ki amarat par etiraz hai tum hi kuch din pehle is ke baap ki amarat par etiraz kar chuke ho. Halanke Allah ki qasam wo amarat ke mustahiq-o-ahl thay. Is ke alawa wo mujhe sab se zyada aziz thay jis tarah ye Usama Radi Allahu Anhu in ke baad mujhe sab se zyada aziz hai
.