Mujh se Ibrahim Bin-ul-Munzir ne bayan kiya, kaha hum se Muhammad Bin Falih ne bayan kiya, un se Musa Bin Uqba ke hum se Ibn Shihab ne bayan kiya aur un se Anas Bin Malik Radi Allahu Anhu ne bayan kiya ke Ansar ke chand logon ne Rasul Allah Sallallahu Alaihi Wasallam se ijazat chahi aur arz kiya ke aap humein ijazat ata farmayein to hum apne bhanje Abbas Radi Allahu Anhu ka fidiya maaf kar dein lekin Nabi Kareem Sallallahu Alaihi Wasallam ne farmaya ”Allah ki qasam! In ke fidiya se ek dirham bhi na chorna.“
.