Hum se Ali Bin Abdullah Madini ne bayan kiya, kaha hum se Sufyan Bin Uyainah ne bayan kiya, kaha ke mein ne Amr Bin Dinar se suna, unhon ne bayan kiya ke Abdullah Bin Umar Radi Allahu Anhuma ne kaha ke jab Umar Radi Allahu Anhu Islam laye to log un ke ghar ke qareeb jama ho gaye aur kehne lage ke Umar bedeen ho gaya hai. Mein in dinon baccha tha aur is waqt apne ghar ki chatt par charha hua tha. Achanak ek shakhs aaya jo resham ki quba pehne hue tha, is shakhs ne logon se kaha theek hai Umar bedeen ho gaya lekin ye majma kaisa hai? Dekho mein Umar ko panah de chuka hoon. Ibn Umar Radi Allahu Anhuma ne bayan kiya ke mein ne dekha ke is ki ye baat sunte hi log alag alag ho gaye. Mein ne poocha ye kaun sahib thay? Umar Radi Allahu Anhu ne kaha ke ye Aas Bin Wail hain
.