Hum se Musaddad ne bayan kiya, kaha hum se Yahya ne bayan kiya, un se Ubaidullah ne kaha, mujh ko Nafi ne khabar di aur un se Abdullah Bin Umar Radi Allahu Anhuma ne bayan kiya ke zamana-e-jahiliyat ke log «Habl-ul-Habalah» tak qeemat ki adayigi ke waada par, oont ka gosht udhaar becha karte thay. Abdullah Radi Allahu Anhu ne bayan kiya ke «Habl-ul-Habalah» ka matlab ye hai ke koi hamila oontni apna baccha jane phir wo nauzaida baccha (barh kar) hamila ho, Nabi Kareem Sallallahu Alaihi Wasallam ne is tarah ki khareed o farokht mamnu qarar de di thi
.