Mujh se Muhammad ne bayan kiya, kaha hum ko khabar di Abdah ne, unhein Hisham Bin Urwah ne, un se un ke walid ne bayan kiya ke mein ne Abdullah Bin Jafar se suna, unhon ne bayan kiya ke mein ne Ali Radi Allahu Anhu se suna, unhon ne bayan kiya ke mein ne Rasul Allah Sallallahu Alaihi Wasallam se suna aap ne farmaya (doosri sanad) aur mujh se Sadaqah ne bayan kiya, kaha hum ko Abdah ne khabar di, unhein Hisham ne un se un ke walid ne bayan kiya ke mein ne Abdullah Bin Jafar se suna unhon ne Ali Radi Allahu Anhu se ke Nabi Kareem Sallallahu Alaihi Wasallam ne farmaya " (apne zamane mein) Maryam Alaihas Salam sab se afzal aurat theen aur (is ummat mein) Khadijah (Radi Allahu Anha) sab se afzal hain. "
.