Hum se Ahmad bin Yunus ne bayan kiya, unhon ne kaha ke humein Ibrahim bin Saad ne khabar di, unhon ne kaha ke hum se Ibn Shihab ne bayan kiya, unhon ne Urwah se, unhon ne Umm-ul-Momineen Aisha Razi Allah Anha se ke Nabi Kareem Sallallahu Alaihi Wasallam ne ek chadar mein namaz padhi. Jis mein naqsh o nigaar thay. Aap Sallallahu Alaihi Wasallam ne unhein ek martaba dekha. Phir jab namaz se farigh hue to farmaya ke meri yeh chadar Abu Jahm (Aamir bin Huzaifa) ke paas le jao aur un ki anbijaniyah wali chadar le aao, kyunke is chadar ne abhi namaz se mujh ko ghafil kar diya. Aur Hisham bin Urwah ne apne walid se riwayat ki, unhon ne Aisha Razi Allah Anha se ke Nabi Kareem Sallallahu Alaihi Wasallam ne farmaya main namaz mein is ke naqsh o nigaar dekh raha tha, pas main dara ke kahin yeh mujhe ghafil na kar de.