Mujh se Muhammad bin Hatim bin Bazi ne bayan kiya, kaha hum se Shadhan ne bayan kiya, kaha hum se Abdul Aziz bin Abi Salamah Majishoon ne bayan kiya, in se Ubaidullah ne, in se Nafi ne aur in se Abdullah bin Umar Radi Allahu Anhuma ne bayan kiya ke Nabi Kareem Sallallahu Alaihi Wa Sallam ke ehad mein hum Abu Bakr Radi Allahu Anhu ke barabar kisi ko nahi qarar dete thay. Phir Umar Radi Allahu Anhu ko phir Uthman Radi Allahu Anhu ko. Is ke baad Nabi Kareem Sallallahu Alaihi Wa Sallam ke Sahaba par hum koi behas nahi karte thay aur kisi ko ek doosre par fazeelat nahi dete thay, is hadeeth ko Abdullah bin Salih ne bhi Abdul Aziz se riwayat kiya hai. Is ko Ismaili ne wasal kiya hai.