Bahut hi ruju hone wala aur tawajjo karne wala. Sulaiman ka ye kehna ke Malik mujh ko aisi badshahat de ke mere siwa kisi ko muyassar na ho. Aur Surah At-Toubah mein Allah Ta'ala ka farman "Aur ye log peeche lag gaye is ilm ke jo Sulaiman ki badshahat mein Shaitan parha karte thay." Aur Surah Saba mein farmaya " (Hum ne) Sulaiman (Alaihis Salam) ke liye hawa ko (tabi) kar diya ke is ki subah ki manzil mahina bhar ki hoti aur is ki shaam ki manzil mahina bhar ki hoti aur «qitrin» yani hum ne un ke liye lohe ka chashma baha diya ( «wa as-alna lahu aynal qitri» bamaani) «wa azabna lahu aynal hadidi» hai "aur jinnat mein kuch wo thay jo un ke aage un ke parwardigar ke hukam se khoob kaam karte thay." Aakhir-e-aayat «min mahariba» tak. Mujahid ne kaha ke «mahariba» wo imaratein jo mehlon se kam hon. «tamathila» tasveerein aur lagan aur «jawabi» yani houz jaise onton ke liye houz hua karte hain. "Aur (bari bari) jami hui degien." Aayat «al-shakooru» tak. Phir jab hum ne un par mout ka hukam jari kar diya to kisi cheez ne un ki mout ka pata na diya bajuz ek zameen ke kiray (deemak) ke ke wo un ke asa ko khata raha so jab wo gir pare tab jinnat ne jana ke wo mar gaye. Allah Ta'ala ka farman «al-muheen» tak. "Sulaiman (Alaihis Salam) kehne lage ke mein is maal ki muhabbat mein parwardigar ki yaad se ghafil ho gaya «fatafiqa mashan» Al-kh yani is ne ghoron ki ayaal aur agari pichari ki rasiyon par hath pherna shuru kar diya. «al-asfadu» bamaani «al-withaqu» beriyan zanjirein. Mujahid ne kaha ke «al-safinatu» «safanal farsa» se mushtaq hai is waqt bolte hain jab ghora ek paon utha kar khur ki nouk par khara ho jaye «al-jiyadu» yani daurne mein taiz. «jasadan» bamaani Shaitan (jo Sulaiman (Alaihis Salam) ki angoothi pehan kar un ki kursi par baith gaya tha) «rukha-an» narmi se khushi se. «haithu asaba» yani jahan wo jana chahte. «famnun aati» ke maani mein hai jis ko chahe de baghair hisab baghair kisi takleef ke be-haraj

Hum se Muhammad Bin Bashar ne bayan kiya unhon ne kaha hum se Muhammad Bin Jafar ne bayan kiya un se Shuba ne bayan kiya un se Muhammad Bin Ziyad ne aur un se Abu Hurairah (Radi Allahu Anhu) ne ke Nabi Kareem (Sallallahu Alaihi Wasallam) ne farmaya "Ek sarkash jinn kal raat mere samne aa gaya taake meri namaz kharab kar de lekin Allah Ta'ala ne mujhe is par quwwat de di aur mein ne ise pakar liya. Phir mein ne chaha ke ise masjid ke kisi sutoon se baandh doon ke tum sab log bhi dekh sako. Lekin mujhe apne bhai Sulaiman (Alaihis Salam) ki dua yaad aa gayi ke ya Allah! Mujhe aisi sultanat de jo mere siwa kisi ko muyassar na ho. Is liye mein ne ise namurad wapas kar diya. «ifreetun» sarkash ke maani mein hai khwah insanon mein se ho ya jinnon mein se."