Is baab mein Ata Bin Abi Rabah aur Sulaiman Bin Yasar ne Sayyida Aisha (Radi Allahu Anha) se riwayat ki hai. Unhon ne Nabi Kareem (Sallallahu Alaihi Wasallam) se
.

Ibn Uyaina ne (ayat ke lafz) "atiyatin" ki tashreeh mein kaha ke ("atat ala-l-khuzzani") yaani wo apne darogha farishton ke qabu se bahar ho gayi jise Allah ne un par mutawatir saat raat aur aath din tak musallat kiya (ayat mein) lafz "husuman" ba-maane "mutatabi-atin" hai yaani wo pay-dar-pay chalti rahi (ek minute bhi nahi ruki) pas agar tu is waqt maujood hota to is qaum ko wahan yun gira hua dekhta ke goya wo khokhli khajooron ke tanne pade hain, so kya tujh ko in mein se koi bhi bacha hua nazar aata hai
.

Hum se Muhammad Bin Ar'ara ne bayan kiya, hum se Shuba ne bayan kiya, un se Hakam ne, un se Mujahid ne aur un se Ibn Abbas (Radi Allahu Anhuma) ne bayan kiya ke Nabi Kareem (Sallallahu Alaihi Wasallam) ne farmaya "(Ghazwa-e-Khandaq ke mauqa par) purwa hawa se meri madad ki gayi aur qaum-e-Aad pachhwa hawa se halak kar di gayi thi."
.