(Doosri sanad) Hum se Abu-ul-Mugheera ne bayan kiya, kaha hum se Auzai ne bayan kiya, kaha ke mujh se Yahya Bin Abi Kaseer ne bayan kiya, un se Abdullah Bin Abi Qatada ne, un se un ke walid ne aur un se Nabi Kareem (Sallallahu Alaihi Wasallam) ne (misl riwayat-e-sabiqa ki hadees bayan ki) mujh se Sulaiman Bin Abdur Rahman ne bayan kiya, kaha hum se Waleed ne bayan kiya, kaha hum se Auzai ne bayan kiya, kaha ke mujh se Yahya Bin Abi Kaseer ne bayan kiya, kaha ke mujh se Abdullah Bin Abi Qatada ne bayan kiya aur un se un ke walid ne bayan kiya ke Nabi Kareem (Sallallahu Alaihi Wasallam) ne farmaya "Accha khwab Allah Ta'ala ki taraf se hai aur bura khwab shaitan ki taraf se hai. Is liye agar koi bura aur darauna khwab dekhe to bayein taraf thoo thoo kar ke shaitan ke shar se Allah ki panah mange. Is amal se shaitan ise koi nuqsan na pahuncha sakega."
.