Hum se Muhammad Bin Salam ne bayan kiya, kaha hum ko Makhlad ne khabar di, unhein Ibn Juraij ne khabar di, kaha ke mujhe Musa Bin Uqba ne khabar di, unhein Nafi ne, unhon ne bayan kiya ke Abu Hurairah (Radi Allahu Anhu) ne kaha Nabi Kareem (Sallallahu Alaihi Wasallam) ne farmaya. Aur is riwayat ki mutabi-at Abu Asim ne Ibn Juraij se ki hai ke mujhe Musa Bin Uqba ne khabar di unhein Nafi ne aur un se Abu Hurairah (Radi Allahu Anhu) ne bayan kiya ke Nabi Kareem (Sallallahu Alaihi Wasallam) ne farmaya ke jab Allah Ta'ala kisi bande se muhabbat karta hai to Jibrail Alaihis Salam se farmata hai ke Allah Ta'ala falan shakhs se muhabbat karta hai. Tum bhi is se muhabbat rakho, chunanche Jibrail Alaihis Salam bhi is se muhabbat rakhne lagte hain. Phir Jibrail Alaihis Salam tamam Ahl-e-Aasman ko pukar dete hain ke Allah Ta'ala falan shakhs se muhabbat rakhta hai. Is liye tum sab log is se muhabbat rakho, chunanche tamam aasman wale is se muhabbat rakhne lagte hain. Is ke baad roye zameen wale bhi is ko maqbool samajhte hain
.