Hum se Hasan Bin Rabi ne bayan kiya, kaha hum se Abu-ul-Ahwas ne, un se Aamash ne, un se Zaid Bin Wahb ne aur un se Abdullah (Radi Allahu Anhu) ne bayan kiya ke hum se Sadiq-ul-Masdooq Rasul Allah (Sallallahu Alaihi Wasallam) ne bayan farmaya aur farmaya ke tumhari paidayish ki tayyari tumhari maan ke pait mein chalis dinon tak (nutfa ki surat) mein ki jati hai itni hi dinon tak phir ek basta khoon ke surat mein ikhtiyar kiye rehta hai aur phir wo itne hi dinon tak ek mudhgha gosht rehta hai. Is ke baad Allah Ta'ala ek farishta bhejta hai aur ise char baaton (ke likhne) ka hukm deta hai. Is se kaha jata hai ke is ke amal, is ka rizq, is ki muddat-e-zindagi aur ye ke badd hai ya naik, likh le. Ab is nutfa mein rooh dali jati hai (yaad rakh) ek shakhs (zindagi bhar naik) amal karta rehta hai aur jab Jannat aur is ke darmiyan sirf ek hath ka fasla reh jata hai to is ki taqdeer samne aa jati hai aur Dozakh walon ke amal shuru kar deta hai. Isi tarah ek shakhs (zindagi bhar bure) kaam karta rehta hai aur jab Dozakh aur is ke darmiyan sirf ek hath ka fasla reh jata hai to is ki taqdeer ghalib aa jati hai aur Jannat walon ke kaam shuru kar deta hai
.