Aur Allah Ta'ala ka farman «snlqy fy qlwb alzyn kfrw alreb bma as hrkw ballh» "An-qareeb hum in logon ke dilon ko maroob kar dein ge jinhon ne kufr kiya hai. Is liye ke unhon ne Allah ke sath shirk kiya hai!" Jabir (Radi Allahu Anhu) ne Nabi Kareem (Sallallahu Alaihi Wasallam) ke hawala se ye hadees riwayat ki hai
.

Hum se Yahya Bin Bukair ne bayan kiya, kaha hum se Laith ne bayan kiya, un se Aqeel ne, un se Ibn Shihab ne, un se Saeed Bin Musayyib ne aur un se Abu Hurairah (Radi Allahu Anhu) ne bayan kiya ke Rasul Allah (Sallallahu Alaihi Wasallam) ne farmaya. Mujhe jame kalam (jis ki ibarat mukhtasar aur faseeh o baleegh ho aur maani bahut wasee hon) de kar bheja gaya hai aur raub ke zariya meri madad ki gayi hai. Mein soya hua tha ke zameen ke khazanon ki kunjiyan mere paas layi gayiin aur mere hath par rakh di gayiin. Abu Hurairah (Radi Allahu Anhu) ne farmaya ke Rasul Allah (Sallallahu Alaihi Wasallam) to (apne Rab ke paas) ja chuke. Aur (jin khazanon ki wo kunjiyan thiin) unhein ab tum nikal rahe ho
.