Hum se Muhammad Bin Kaseer ne bayan kiya, unhon ne kaha hum ko Sufyan Sauri ne khabar di, unhein Aamash ne, unhein Ibrahim ne, unhein Aswad ne aur un se Umm-ul-Momineen Aisha (Radi Allahu Anha) ne bayan kiya ke jab Rasul Allah (Sallallahu Alaihi Wasallam) ki wafat hui to aap (Sallallahu Alaihi Wasallam) ki zarah ek yahudi ke paas tees saa jo ke badle mein rahan rakhi hui thi. Aur Ya'la ne bayan kiya ke hum se Aamash ne bayan kiya ke lohe ki zarah (thi) aur Mualla ne bayan kiya, un se Abdul Wahid ne bayan kiya, un se Aamash ne bayan kiya ke aap (Sallallahu Alaihi Wasallam) ne lohe ki ek zarah rahan rakhi thi
.