Aur Abdullah Bin Umar (Radi Allahu Anhuma) ne kaha ke Nabi Kareem (Sallallahu Alaihi Wasallam) ne Umar (Radi Allahu Anhu) se ek ont khareeda, aur Abdur Rahman Bin Abi Bakr (Radi Allahu Anhuma) ne kaha ke ek mushrik bakriyan (bechne) laya to Nabi Kareem (Sallallahu Alaihi Wasallam) ne is se ek bakri khareedi. Aap (Sallallahu Alaihi Wasallam) ne Jabir (Radi Allahu Anhu) se bhi ek ont khareeda tha
.

Hum se Yusuf Bin Isa ne bayan kiya, kaha ke hum se Abu Muawiya ne bayan kiya, kaha ke hum se Amash ne bayan kiya, un se Ibrahim Nakh'i ne, un se Aswad Bin Yazid ne aur un se Aisha (Radi Allahu Anha) ne ke Rasul Allah (Sallallahu Alaihi Wasallam) ne ek yahudi se kuch ghalla udhaar khareeda. Aur apni zarah is ke paas girvi rakhwayi
.