Aur Ibn Abbas (Radi Allahu Anhuma) ne bayan kiya ke mujh ko Abu Sufyan (Radi Allahu Anhu) ne khabar di ke mujh se Qaisar (mulk-e-Room) ne kaha ke mein ne tum se poocha ke ameer logon ne in (Nabi Kareem Sallallahu Alaihi Wasallam) ki pairwi ki hai ya kamzor ghareeb tabqa walon ne? Tum ne bataya ke kamzor ghareeb tabqe ne (un ki ittaba ki hai) aur anbiya ka pairokar yahi tabqa hota hai
.

Hum se Sulaiman Bin Harb ne bayan kiya, kaha hum se Muhammad Bin Talha ne bayan kiya, un se Musab Ibn Saad ne bayan kiya ke Saad Bin Abi Waqas (Radi Allahu Anhu) ka khayal tha ke unhein doosre bahut se sahaba par (apni mal-dari aur bahadri ki wajah se) fazeelat hasil hai to Nabi Kareem (Sallallahu Alaihi Wasallam) ne farmaya ke tum log sirf apne kamzor mazoor logon ki duayon ke nateeja mein Allah ki taraf se madad pahunchaye jate ho aur in hi ki duayon se rizq diye jate ho
.