Hum se Muhammad Bin Musanna ne bayan kiya, kaha hum se Yahya Bin Saeed Qattan ne bayan kiya, un se Sufyan Sauri ne bayan kiya ke mujh se Abu Ishaq ne bayan kiya Bara Bin Azib (Radi Allahu Anhu) se ke un se ek shakhs ne poocha ae Abu Amarah! Kya aap logon ne (musalmanon ke lashkar ne) Hunain ki larai mein peeth pher li thi? Unhon ne farmaya ke nahi Allah gawah hai Nabi Kareem (Sallallahu Alaihi Wasallam) ne peeth nahi pheri thi albatta jald-baaz log (maidan se) bhag pare thay (aur wo loot mein lag gaye thay) qabila Hawazin ne un par teer barsane shuru kar diye lekin Nabi Kareem (Sallallahu Alaihi Wasallam) apne safed khachar par sawar thay aur Abu Sufyan Bin Haris is ki lagam thame hue thay. Nabi Kareem (Sallallahu Alaihi Wasallam) farma rahe thay «ana alnby la kzb ana abn ebd almtlb» mein Nabi hoon jis mein jhoot ka koi dakhal nahi. Mein Abdul Muttalib ki aulad hoon
.