Aur Imam Hasan Basri Rahimahullah ne kaha ke Zimmi kafir ke liye bhi tihayi maal se zyada ki wasiyat nafiz na hogi. Allah Ta'ala ne Surat-ul-Ma'idah mein farmaya «Wa An Ihkum Bainahum Bima Anzalallah‏» "Aap in mein ghair muslimon mein bhi is ke mutabiq faisla kijiye jo Allah Ta'ala ne aap par nazil farmaya hai."
.

Hum se Qutaibah Bin Saeed ne bayan kiya ' kaha hum se Sufyan Bin Uyainah ne bayan kiya ' un se Hisham Bin Urwah ne ' un se un ke walid ne aur un se Ibn Abbas (Radi Allahu Anhuma) ne bayan kiya kaash! Log (wasiyat ko) chauthayi tak kam kar dete to behtar hota kyunke Rasul Allah (Sallallahu Alaihi Wasallam) ne farmaya tha "Tum tihayi (ki wasiyat kar sakte ho) aur tihayi bhi bahut hai." Ya (Aap Sallallahu Alaihi Wasallam ne ye farmaya ke) "Ye bahut zyada raqam hai."
.