Hum se Abu Nuaim ne bayan kiya ' kaha hum se Sufyan Bin Uyainah ne bayan kiya Saad Bin Ibrahim se ' un se Aamir Bin Saad ne aur un se Saad Bin Abi Waqqas ne bayan kiya ke Nabi Kareem (Sallallahu Alaihi Wasallam) (Hajja-tul-Wida mein) meri iyadat ko tashreef laye ' mein is waqt Makkah mein tha. Nabi Kareem (Sallallahu Alaihi Wasallam) is sar zameen par maut ko pasand nahi farmate thay jahan se koi hijrat kar chuka ho. Aap (Sallallahu Alaihi Wasallam) ne farmaya "Allah Ibn Afra (Saad Bin Khaulah Radi Allahu Anhu) par raham farmaye." Mein arz kiya ya Rasul Allah! Mein apne saare maal-o-daulat ki wasiyat kar doon. Aap (Sallallahu Alaihi Wasallam) ne farmaya "Nahi" Mein ne poocha phir aadhe ki kar doon? Aap (Sallallahu Alaihi Wasallam) ne is par bhi yehi farmaya "Nahi" Mein ne poocha phir tihayi ki kar doon. Aap (Sallallahu Alaihi Wasallam) ne farmaya tihayi ki kar sakte ho aur ye bhi bahut hai ' agar tum apne warison ko apne peeche maldar choro to ye is se behtar hai ke unhein muhtaj choro ke logon ke samne hath phailate phirein ' is mein koi shubha nahi ke jab tum apni koi cheez (Allah ke liye kharch karo ge) to wo khairat hai ' yahan tak ke wo luqmah bhi jo tum apni biwi ke munh mein dalo ge (wo bhi khairat hai) aur (abhi wasiyat karne ki koi zaroorat bhi nahi) mumkin hai ke Allah Ta'ala tumhein shifa de aur is ke baad tum se bahut se logon ko faida ho aur doosre bahut se log (Islam ke mukhalif) nuqsan uthayein. Is waqt Saad (Radi Allahu Anhu) ki sirf ek beti thi
.