Hum se Ismail Bin Abi Uwais ne bayan kiya, kaha ke mujh se mere bhai Abdul Hamid ne bayan kiya, un se sulieman Bin Hilal ne, un se Yahya Bin Saeed ne, un se Abu Al-Rijal, Muhammad Bin Abdur Rahman ne, un se in ki walda Amrah Bint Abdur Rahman ne bayan kiya ke mein ne Aisha (Radi Allahu Anha) se suna, unhon ne kaha ke Rasul Allah (Sallallahu Alaihi Wasallam) ne darwaze par do jhagra karne walon ki aawaz suni jo buland ho gayi thi. Waqia ye tha ke ek aadmi doosre se qarz mein kuch kami karne aur taqaze mein kuch narmi bartne ke liye keh raha tha aur doosra kehta tha ke Allah ki qasam! mein ye nahi karoon ga. Aakhir Rasul Allah (Sallallahu Alaihi Wasallam) in ke paas gaye aur farmaya ke is baat par Allah ki qasam khane wale sahab kahan hain? Ke wo ek accha kaam nahi karein ge. In Sahabi ne arz kiya, mein hi hoon ya Rasul Allah! ab mera bhai jo chahta hai wahi mujh ko bhi pasand hai
.